Keane, sem er óhræddur við að segja sitt álit á hlutunum, var hress eftir 10-0 sigur Englands gegn San Marínó í undankeppni HM í gærkvöld.

Hann var sérfræðingur fyrir ITV í kringum leikinn. Hann hrósaði miðjumanninum Jude Bellingham sérstaklega. Bellingham, sem er 18 ára, er einn mest spennandi leikmaður í heimi.

„Við elskum allt við hann. Hvernig hann er inn á vellinum, hvernig hann hagar sér utan hans, hann spilar í hverri viku fyrir flott félag. Hann getur farið rosalega langt," sagði Keane.

„Hann getur náð mjög langt. Hann er byggður eins og boxari, hann er sterkur. Gareth (Southgate) hlýtur að vera mjög sepnntur."

Bellingham hefur verið mikið orðaður við Liverpool upp á síðkastið. Hann mun eflaust fara í eitt af allra stærstu félögum heims á næstunni. Það eru ekki allir sem fá hrós frá Keane.