Þeir spiluðu saman hjá Manchester United á sínum tíma og hafa þeir haldið góðu sambandi eftir það.

Evra segir að Park, sem var frábær leikmaður fyrir Man Utd fyrir nokkrum árum síðan, sé besti vinur sinn. Þeir eru það góðir vinir að Park er guðfaðir barns Evra.

„Ég kann vel við fólk sem er feimið. Þegar einhver opnar sig ekki of mikið, þá fer ég að tala við það. Ji er guðfaðir sonar míns. Hann er meira en bara vinur minn," sagði Evra við heimasíðu Man Utd og bætti við:

„Hann er svo auðmjúk manneskja en hann er líka mjög fyndinn náungi... hann er bróðir minn."