Hvenær er dregið?
Föstudaginn 26. nóvember í höfuðstöðvum FIFA í Zurich í Sviss.

Hvaða lið verða í umspilinu?
Portúgal, Svíþjóð, Ítalía, Skotland, Rússland, Pólland og Norður-Makedónía hafa öll fest sig í öðru sæti í sínum riðlum. Austurríki endaði fjórða sæti í F-riðli en fær sæti í umspilinu út á góða frammistöðu í Þjóðadeildinni.

Wales og Tékkland eru að berjast um annað sætið í E-riðli. Liðið sem endar í þriðja sæti mun fá umspilssæti í gegnum Þjóðadeildina en missa möguleika á því að fá heimaleik í undanúrslitum umspilsins.

Riðlarnir sem klárast í kvöld
Í D-riðli hefur Frakkland tryggt sér sigur en Finnland (11 stig) og Úkraína (9) eiga möguleika á að komast í umspilið. Finnar fá Frakka í heimsókn en Úkraína heimsækir Bosníu.

Í E-riðli hefur Belgía tryggt sér efsta sætið. Wales (14 stig) og Tékkland (11) berjast um annað sætið. Eins og sagt er frá hér að ofan munu Wales og Tékkland vera bæði í umspilinu.

Spennan er rosaleg í G-riðli. Holland (á toppnum með 20 stig) mætir Noregi (18 stig) í spennandi úrslitaleik. Tyrkland (líka 18 stig) mætir Svartfjallalandi á sama tíma. Þrjú lið eiga möguleika á efsta sætinu.

Hvaða lið eru komin á HM?
Þýskaland var fyrsta liðið til að tryggja sér farseðilinn til Katar. Danmörk varð annað liðið en svo fylgdu á eftir: Frakkland, Belgía, Króatía, Serbía, Spánn, Sviss og England.

Hvenær verður HM?
21. nóvember til 18. desember í Katar á næsta ári. 32 lið skiptast í átta fjögurra liða riðla. Tvö efstu liðin í hverjum riðli komast í 16-liða úrslitin.