Riðlakeppnin í Evrópuhluta undankeppni HM 2022 er lokið og það er ljóst hvaða lið fara beint á HM í Katar, sem haldið verður næsta vetur.
Sigurvegarar riðlanna fara beint á mótið og það eru:
Serbía, Spánn, Sviss, Frakkland, Belgía, Danmörk, Holland, Króatía, England og Þýskaland.
Þau lið sem enduðu í öðru sæti í riðlunum fara í umspilið ásamt tveimur hæst skrifuðu liðunum - samkvæmt UEFA - sem unnu sína riðla í Þjóðadeildinni. Þau lið sem enduðu í öðru sæti eru og fara þar af leiðandi í umspilið eru:
Portúgal, Svíþjóð, Ítalía, Úkraína, Wales, Skotland, Tyrkland, Rússland, Pólland og Norður-Makedónía.
Austurríki og Tékkland fara í umspilið í gengum Þjóðadeildina.
Hvernig virkar umspilið?
Það hafa orðið breytingar á umspilinu frá því í síðustu undankeppni. Umspilinu verður að þessu sinni skipt niður í þrennt og það verða undanúrslit og úrslitaleikur. Allt einn leikur.
Undanúrslitin fara fram í lok mars og komast þrjú lið áfram; það er að segja liðið sem vinnur úrslitaleikinn í hverju hólfi.
Portúgal, Skotland, Ítalía, Rússland, Svíþjóð og Wales voru með bestan árangur af liðunum sex sem lentu í öðru sæti og fá því heimaleik í undanúrslitunum. Það verður dregið um heimalið í úrslitaleiknum.
Það verður dregið 26. nóvember næstkomandi.
Ísland var með á HM 2018 en verður því miður ekki með að þessu sinni.
Athugasemdir