Argentíska knattspyrnugoðsögnin Hernan Crespo er tekinn við Banfield en liðið leikur í argentísku úrvalsdeildinni.
Crespo lék 64 leiki með argentíska landsliðinu á ferli sínum og skoraði í þeim 35 mörk. Hann lék með stórliðum á borð við Inter Milan, Chelsea og AC Milan. Hann lék einnig lengi vel með Parma.
Þetta er ekki fyrsta þjálfarastarf Crespo en hann þjálfaði Modena sem leikur í ítölsku B-deildinni.
Nú síðast var hann síðan varaforseti Parma en hefur fengið sig lausann frá félaginu til þess að taka við Banfield.
Banfield er í 10.sæti argentísku deildarinnar, tíu stigum á eftir Racing Club sem er á toppnum.
Athugasemdir