Malen, Maguire, Rashford, Greenwood, Yoro, Eriksen og fleiri góðir í slúðri dagsins
   sun 16. desember 2018 18:25
Ívan Guðjón Baldursson
Mourinho: Í besta falli endum við í fjórða sæti
Mynd: Getty Images
Jose Mourinho átti enn einn slæman dag við stjórnvölinn hjá Manchester United er hans menn töpuðu fyrir Liverpool á Anfield í fyrsta sinn í fimm ár.

Mourinho var spurður eftir tapið hvort hann geti lagað ástandið sem hefur myndast innan félagsins, en Rauðu djöflarnir eru ellefu stigum frá Meistaradeildarsæti og nítján stigum frá toppnum.

„Hvað meinarðu með að laga ástandið? Ertu að tala um að vinna titilinn? Auðvitað getum við það ekki," sagði Mourinho.

„Við getum ennþá náð fjórða sætinu en það verður ekki auðvelt. Við munum enda meðal sex efstu liðanna, það er klárt. Í besta falli endum við í fjórða sæti."

Mourinho dáðist að spilamennsku Liverpool eftir leikinn og kvartaði undan óheppni í mörkunum hans Xherdan Shaqiri.

„Fyrstu 20 mínúturnar voru erfiðastar fyrir okkur því við réðum ekki við ákefðina og pressuna frá þeim. Eftir það gekk okkur vel, þeir voru orðnir mjög pirraðir þegar tók að líða á seinni hálfleikinn og miðverðirnir þeirra voru byrjaðir að koma upp völlinn að dúndra boltanum upp í stúku.

„Mörkin hans Shaqiri voru auðveld. Boltinn breytti um stefnu og þá var ekki séns. Ef þú talar um heppni þá talaru um annað og þriðja markið þeirra."

Athugasemdir
banner
banner
banner