Hollenski miðvörðurinn Virgil van Dijk verður ekki með Liverpool gegn Manchester City í enska deildabikarnum í næstu viku en þetta staðfestir Jürgen Klopp, stjóri félagsins í dag.
Van Dijk snéri aftur til Liverpool á dögunum úr fríi eftir að hollenska liðið datt úr leik á HM.
Jordan Henderson og Trent Alexander-Arnold snéru einnig aftur á æfingar og verða væntanlega með gegn Manchester City um helgina en Van Dijk verður ekki með.
Klopp ræddi við fjölmiðla eftir 4-1 sigur Liverpool á Milan í æfingamóti í Dúbaí.
„Já, það er auðvitað möguleiki, því þeir eru byrjaðir að æfa. Hendo er byrjaður að æfa og Virgil er líka hérna en ég er ekki viss um að við munum reyna á það. Við skulum sjá til með Hendo og Trent. Þessi hópur hefur unnið saman í næstum tvær vikur og við tókum alvöru skref fram á við, sem er geggjað. En í augnablikinu er ég ekki viss,“ sagði Klopp.
„Ég vona að við komumst allir í gegnum þetta. Allir á Englandi og bara í Evrópu vita að það er einhver vírus að ganga, þannig vonandi höldum við okkur frá honum. Við tökum svo ákvörðun á miðvikudag hverjir verða með á fimmtudag,“ sagði Klopp ennfremur.
Athugasemdir
