Bielsa hélt í kjölfarið 70 mínútna fréttamannafund með ítarlegri glærusýningu til að sýna fram á þá gríðarlega miklu vinnu sem þjálfarateymið leggur á sig fyrir hvern einasta leik liðsins.

Í dag var haldinn annar fréttamannafundur sem snerist um næsta leik gegn Stoke og var Bielsa spurður hvort Kiko Casilla, nýr markvörður Leeds, myndi spila leikinn.

„Casilla mun ekki spila gegn Stoke. Byrjunarliðið okkar verður Peacock-Farrell, Cooper, Ayling, Jansson, Alioski, Forshaw, Klich, Clarke, Harrison, Hernandez og Roofe," svaraði Bielsa rólegur.

Leeds, sem er með fjögurra stiga forystu á toppi Championship deildarinnar, heimsækir Stoke á laugardaginn klukkan 15:00.