Úrslit Leicester í kringum áramótin eru sannkallað rannsóknarefni. Liðið hafði betur gegn Chelsea og Everton úti og Manchester City heima en tapaði um leið fyrir Cardiff og Southampton heima og var slegið úr enska bikarnum af D-deildarliði Newport.

„Við skiljum hvernig stuðningsmönnum líður, okkur líður svona líka. Við vorum sérstaklega reiðir eftir tapið gegn Southampton, það gerir lítið úr fræknum sigrum okkar að undanförnu," sagði Puel.

„Það er synd að við höfum verið óstöðugir á heimavelli. Við verðum að gera betur, það er ekki ásættanlegt að tapa svona leikjum heima."

Leicester er í áttunda sæti úrvalsdeildarinnar og á erfiðan útileik gegn Wolves næsta laugardag.