fim 17. janúar 2019 22:33
Ívan Guðjón Baldursson
Spánn: Barcelona sneri stöðunni við og komst áfram
Dembele og Messi sáu um að sökkva Levante.
Dembele og Messi sáu um að sökkva Levante.
Mynd: Getty Images
Barcelona 3 - 0 Levante (4-2 samanlagt)
1-0 Ousmane Dembele ('30)
2-0 Ousmane Dembele ('31)
3-0 Lionel Messi ('54)

Það var aðeins eitt lið á vellinum er Levante heimsótti Barcelona í síðari leik liðanna í 16-liða úrslitum spænska bikarsins.

Levante hafði unnið fyrri leikinn 2-1 á heimavelli og voru Börsungar í hefndarhug í kvöld. Lionel Messi og Ousmane Dembele reyndust hetjur kvöldsins.

Dembele skoraði fyrstu tvö mörk Börsunga með 100 sekúndna millibili. Messi bjó bæði mörkin til en Dembele var ótrúlega heppinn að skora úr færunum sínum, þar sem leikmenn Levante réttu honum mikla hjálparhönd.

Messi gerði út um leikinn þegar hann slapp í gegn í upphafi síðari hálfleiks og tryggði þátttöku Barcelona í 8-liða úrslitunum. Barca hefur unnið spænska bikarinn síðustu fjögur ár.
Athugasemdir
banner
banner
banner
banner