Húh!
Íslenskir stuðningsmenn og leikmenn landsliðsins gerðu víkingaklappið heimsfrægt á EM í Frakklandi árið 2016.
Víkingaklappið hefur farið víða í kjölfarið og það er mjög vinsælt í Asíubikarnum í Sameinuðu Arabísku Furstadæmunum þessa dagana.
24 þjóðir frá Asíu taka þátt í mótinu en stuðningsmenn Kína, Indlands, Tælands, Líbanon og Íran hafa meðal annars tekið klappið.
Sunil Chhetri, fyrirliði Indlands, stýrði víkingaklappinu með leikmönnum og stuðningsmönnum eftir 4-1 sigur á Tælandi.
„Enginn gerir þetta eins og við en það er mjög svalt að fleiri lönd noti þetta til að styðja sitt lið," sagði Hilmar Jökull, stjórnarmaður stuðningsmannasveitarinnar Tólfunnar, í samtali við AFP fréttastofuna.
Athugasemdir
