Sjónvarpsstöðin IRIB í Íran ákvað að sýna ekki leik Bayern og Augsburg í þýsku úrvalsdeildinni á föstudag þar sem dómarinn í leiknum var konan Bibiana Steinhaus.
Það eru mjög strangar reglur um klæðaburð kvenna í Íran. Lög í landinu segja að konur verði að ganga með höfuðklút, sem kallast hijab á arabísku, þegar þær eru á opinberum vettvangi
Ákveðið var að hætta við útsendinguna þar sem bannað er að sýna myndir af konum í fötum eins og til að mynda stuttbuxum.
Hin 39 ára gamla Steinhaus er einn öflugasti dómari Þýskalands. Hún dæmdi sinn fyrsta leik í þýsku úrvalsdeildinni 2017 og í fyrra var hún valin besti kvennadómarinn í Þýskalandi í sjöunda sinn.
Bayern vann leikinn gegn Augsburg 3-2.
Athugasemdir