Þjálfaralausir Þróttarar komust yfir á 20. mínútu þegar Daði Ólafsson varð fyrir því óláni að setja boltann í eigið mark.

Fleiri urðu mörkin ekki í fyrri hálfleik og það var því Laugardalsliðið sem að leiddi í hálfleik.

Hákon Ingi Jónsson jafnaði metin á 72. mínútu fyrir Fylki en það var einnig lokamark leiksins.

Jafntefli niðurstaðan í fyrsta leik beggja liða í Lengjubikarnum en Þróttur mætir Víking Ó. í næstu umferð og Fylkir og ÍBV mætast í Egilshöllinni.