Aron Einar Gunnarsson er mikill lykilmaður hjá Cardiff sem er að berjast fyrir sæti sínu í ensku úrvalsdeildinni.
Cardiff er búið að leika 26 leiki í ensku úrvalsdeildinni á þessu tímabili og er liðið með 25 stig að þeim loknum. Cardiff er í 17. sæti, einu stigi frá fallsæti.
Þegar rýnt er í tölfræðina sést að Cardiff hefur ekki enn unnið leik án Arons í úrvalsdeildinni á þessu tímabili.
Aron hefur byrjað 16 leiki og hafa allir sjö sigurleikir liðsins hingað til komið í byrjunarliðsleikjum Íslendingsins. Aron hefur ekki verið í byrjunarliði Cardiff í 10 leikjum og hafa þrír af þeim leikjum endað með jafntefli og sjö þeirra tapast.
Mikilvægi íslenska landsliðsfyrirliðans er mikið og hann kemur til með að skipta miklu í því hvort Cardiff haldi sér í deild þeirra bestu eða ekki.
Hér að neðan má sjá tölfræði WhoScored.com.
Aron Gunnarsson’s remarkable impact at Cardiff City, put in lovely pie-chart form by @WhoScored. pic.twitter.com/yAoqfLE2IT
— Never, Ever, Have I Felt So Good (@nevereverbook) February 16, 2019
Athugasemdir