Kevin-Prince Boateng vill sennilega gleyma gærdeginum sem allra fyrst en það féll lítið með leikmanninum í gær.
Boateng lék sinn fyrsta heimaleik fyrir Barcelona í gær þegar liðið sigraði Real Valladolid, 1-0.
Leikmaðurinn fékk hræðilega dóma eftir leikinn og var af flestum valinn lélegasti leikmaður vallarins.
Boateng klúðraði nokkrum góðum færum, átti erfitt uppdráttar þegar hann var með boltann og skilaði litlum sem engum varnarleik í leiknum.
Á meðan leiknum stóð var brotist inn á heimili Boateng og margir dýrir hlutir teknir. Þjófarnir höfðu á brott með sér aðallega skartgripi og peninga en talið er að verðmæti þýfisins sé í kringum 280 þúsund pund eða tæpar 40 milljónir íslenskra króna.
Lögreglan í Barcelona hefur hafið rannsókn á málinu.
Athugasemdir