Piatek hafði raðað inn mörkunum með Genoa á fyrri hluta þessa tímabils áður en hann var keyptur til Milan í janúar. Hann var keyptur til þess að fylla skarð Gonzalo Higuain sem fór til Chelsea.

Piatek virðist ætla að fylla skarð Higuain og gott betur en það.

Hann er kominn með sex mörk í fimm leikjum. Hann er búinn að skora þessi sex mörk á 310 mínútum, en það er nýtt met hjá Mílanó-félaginu. Hann bætir met Svíans Gunnar Nordahl sem skoraði sex mörk á 419 mínútum á sínum tíma.

Piatek er 23 ára en hann var frekar óþekktur áður en hann kom í ítalska boltann fyrir tímabilið. Hann spilaði í fyrra með Cracovia í heimalandinu.