Malen, Maguire, Rashford, Greenwood, Yoro, Eriksen og fleiri góðir í slúðri dagsins
banner
   sun 17. mars 2019 22:08
Arnar Helgi Magnússon
Van Dijk: Ætla ekki að afsaka eitt né neitt
Þessir gerðu sjaldséð mistök í kvöld.
Þessir gerðu sjaldséð mistök í kvöld.
Mynd: Getty Images
Liverpool hafði betur gegn Fulham þegar liðin mættust í ensku úrvalsdeildinni í dag. Liverpool hefur oft spilað betur en í dag en leiknum lauk með 1-2 sigri Liverpool.

Virgil Van Dijk og Alisson áttu stóran þátt í marki Fulham í leiknum. James Milner átti þá ömurlega hreinsun sem að skoppaði í átt að marki Liverpool.

Hollendingurinn hélt að Alisson ætlaði að koma út í boltann en Brasilíumaðurinn hikaði eitthvað í úthlaupinu sem að varð til þess að Ryan Babel komst að lokum í boltann og setti hann í autt markið.

„Við unnum leikinn og það er það sem að skiptir mestu máli. Mistök gerast í fótbolta, við lærum af þessu og höldum áfram," sagði Dijk eftir sigurinn í dag.

„Ég ætla ekki að afsaka eitt né neitt. Ég hefði átt að gera betur í markinu. Sem betur fer skoruðum við sigurmarkið og förum heim í toppsætinu."
Athugasemdir
banner
banner
banner
banner