Sam Allardyce, stjóri Everton, stýrði Bolton Wanderers við góðan orðstír frá 1999 til 2007. Hann kom liðinu upp í ensku úrvalsdeildinni vorið 2007 og síðar fór það alla leið í Evrópukeppni undir hans stjórn.
Á tíma sínum hjá Bolton léku bæði Eiður Smári Guðjohnsen og Guðni Bergsson undir stjórn Allardyce. Hann stýrði Eiði í tæplega heilt tímabil.
„Eiður var gríðarlega hæfileikaríkur á þessum tíma. Ég kom í október 1999 og Eiður kom okkur næstum upp. Við töpuðum í umspili og það var mjög sorglegt þegar við þurftum að selja hann til Chelsea. Það sýndi hæfileika hans. Hann fór síðan til Barcelona og það sýnir hversu stórkostlegur leikmaður Eiður var," sagði Sam í viðtali við Fótbolta.net á dögunum.
Guðni var fyrirliði Bolton en hann lék með liðinu frá 1995 til 2003. Hann náði því tæplega fjórum tímabilum undir stjórn Sam og þar á meðal tveimur tímabilum í ensku úrvalsdeildinni.
„Við vorum með Guðna í lok ferilsins en ég hefði óskað þess að hafa hann þegar hann var 27-28 ára en ekki 32 ára eins og hann var þegar ég kom til Bolton," sagði Sam um Guðna.
„Ég náði að sannfæra hann um að taka eitt ár í viðbót áður en hann hætti og fór aftur heim til Íslands. Hann var frábær þegar við fórum upp og á fyrsta ári í ensku úrvalsdeildinni. Hann var líka mikilvægur leikmaður á öðru tímabili í ensku úrvalsdeildinni."
Hér að ofan má sjá viðtalið við Sam um Guðna og Eið.
Sjá einnig:
Sam Allardyce: Landsliðið frábærlega skipulagt hjá Heimi
Sam Allardyce í einkaviðtali um Gylfa
Athugasemdir