Jón Dagur Þorsteinsson lék seinni hálfleikinn fyrir Vendsyssel þegar liðið gerði jafntefli gegn Álaborg í dönsku úrvalsdeildinni á þessum góða miðvikudegi.
Jón Dagur byrjaði á bekknum en var skipt inn á áður en flautað var til leiks í seinni hálfleik.
Jón Dagur byrjaði á bekknum en var skipt inn á áður en flautað var til leiks í seinni hálfleik.
Leikurinn endaði með 1-1 jafntefli. Álaborg komst yfir á tíundu mínútu áður en Vendsyssel jafnaði á 29. mínútu. Mark Vendsyssel var sjálfsmark hjá leikmanni Álaborg.
Úrslitakeppnin er hafin í dönsku úrvalsdeildinni. Neðstu átta liðunum er skipt niður í tvo riðla. Þau lið sem enda í efstu tveimur sætunum í riðlunum fá tækifæri til að leika um sæti í Evrópukeppni, neðstu tvö liðin þurfa að spila leiki um laust sæti í dönsku úrvalsdeildinni.
Ljóst er að Vendsyssel mun spila leiki upp á líf sitt í deildinni. Liðið er í þriðja sæti í sínum riðli, tíu stigum á eftir liðinu í öðru sæti - Álaborg, þegar liðið á tvo leiki eftir.
Hinn tvítugi Jón Dagur er í láni hjá Vendsyssel frá Fulham á Englandi.
Athugasemdir
