Gunnleifur Gunnleifsson, markvörður Breiðabliks, var svekktur að horfa upp á Tottenham komast áfram í undanúrslit Meistaradeildarinnar í kvöld.
Tottenham komst áfram eftir mikla dramatík gegn Manchester City. Tottenham fer áfram á útivallarmörkum en leikurinn í kvöld endaði 4-3. Tottenham vann fyrri leikinn 1-0.
Raheem Sterling skoraði í uppbótartíma og virtist vera að tryggja City áfram í undanúrslitin, en markið var dæmt af vegna rangstöðu. Markið var dæmt af með VAR.
Gunnleifur er stuðningsmaður Manchester City. Hann var sérfræðingur í Meistaradeildarmörkunum í kvöld.
„Það var bara eins og hjartað hefði verið rifið úr manni," sagði Gunnleifur um það þegar Sterling skoraði.
Athugasemdir
