Það eru tæpar tvær vikur í að það verði flautað til leiks í Pepsi Max-deild karla.
Opnunarleikur mótsins, viðureign Vals og ÍA, verður föstudagskvöldið 30. apríl. Þrír leikir verða á laugardeginum og tveir á sunnudeginum; annar þeirra er stórleikur Breiðabliks og KR.
Helmingur liða í Pepsi Max-deildinni leikur á gervigrasi og verður öll fyrsta umferðin leikin á heimavöllum þessara liða. Vísir benti fyrst á þetta.
Í annarri umferð verða fimm af sex leikjum á grasi en KA fær ekki heimaleik í fyrstu tveimur umferðunum.
Fyrsta umferð:
Föstudagur 30. apríl
19:15 Valur - ÍA (Stöð 2 Sport)
Laugardagur 1. maí
17:00 HK - KA
19.15 Fylkir - FH
19:15 Stjarnan - Leiknir (Stöð 2 Sport)
Sunnudagur 2. maí
19:15 Víkingur - Keflavík
19:15 Breiðablik - KR (Stöð 2 Sport)
Athugasemdir