Pep Guardiola, stjóri Manchester City, neitar því að hans menn hafi misst augun af boltanum í dag í 1-0 tapi gegn Chelsea.
Guardiola og hans menn spiluðu við Dortmund fyrir minna en 72 klukkutímum í 8-liða úrslitum Meistaradeildarinnar en liðið er komið í undanúrslitin eftir sigur þar.
Man City hefur oft spilað betur en í kvöld en Chelsea vann leikinn 1-0 með marki Hakim Ziyech.
Man City á eftir að spila úrslitaleik deildabikarsins gegn Tottenham en er nú úr leik í enska bikarnum.
„Hvað get ég sagt? Við fengum tvo og hálfan dag til að ná okkur og spila á útivelli og ferðast. Við vorum í lestinni í þrjá klukkutíma með klukkutíma stoppi," sagði Guardiola.
„Allir sem spiluðu áttu skilið að spila, ekki segja að við séum ekki að fylgjast með þegar þetta lið hefur komist í fjögur úrslit í röð í deildabikarnum."
„Þú kemst ekki í undanúrslit bikarsins eða í fjóra úrslitaleiki í röð ef þú ert ekki að fylgjast með."
Athugasemdir