banner
   fös 17. maí 2019 19:39
Sæbjörn Þór Þórbergsson Steinke
Ziyech falur fyrir 25 milljónir punda
Overmars: Ziyech verður leyft að fara
Mynd: Getty Images
Marc Overmars, yfirmaður knattspyrnumála hjá Ajax, hefur staðfest að Hakim Ziyech verði leyft að fara í sumar ef gott tilboð kemur í leikmanninn.

Ziyech, sem er landsliðsmaður Morokkó, var frábær á leiktíðinni þar sem Ajax varð bæði hollenskur deildarmeistari og bikarmeistari. Liðið komst einnig í undanúrslit Meistaradeildarinnar.

Ziyech skoraði 21 mark og lagði upp 24 önnur á leiktíðinni í öllum keppnum. Frammistaða hans hefur heillað lið á borð við Liverpool, Arsenal, Man Utd og Bayern Munchen.

Ziyech sem er 26 ára kom frá Twente árið 2016 fyrir 11 milljónir evra. Heimildir The Mirror herma að Ziyech verði falur fyrir 25 milljónir punda sem heillar eflaust mörg stórliðin.






Athugasemdir
banner
banner
banner