Í dag er fjórði dagur Heimsmeistaramótsins í Rússlandi og greinilegt er að Evrópuliðunum líður vel í heimsálfunni sinni.
Á fyrstu þremur dögum mótsins hafa landslið sjö Evrópuþjóða hafið leik.
Rússar sigruðu Sáda í opnunarleik mótsins, 1-0.
Á öðrum degi mótsins komu Evrópuþjóðir aðeins við sögu í einum leik, Portúgal og Spánn áttust þá við og skildu þau jöfn.
Í gær spiluðu Evrópuþjóðir í öllum leikjunum. Í fyrsta leik dagsins sigraði Frakkland Ástrali með tveimur mörkum gegn einu.
Þar á eftir gerðum við Íslendingar jafntefli við Argentínu, þar sem Alfreð Finnbogason skoraði mark Íslands og Hannes Þór Halldórsson varði vítaspyrnu frá Lionel Messi.
Frændur okkar Danir unnu 1-0 sigur á Perú í næstsíðasta leik gærdagsins og í þeim síðasta vann Króatía öruggan 2-0 sigur gegn Nígeríu.
#RUS (W)#POR (D)#ESP (D)#FRA (W)#ISL (D)#DEN (W)#CRO (W)
— Squawka Football (@Squawka) June 16, 2018
The unbeaten Europeans introduce today's top five articles of the day. pic.twitter.com/pi4WeQdJqb
Athugasemdir