Castagne, sem leikur með Leicester, lenti í samstuði við Daler Kuzyaev, leikmann Rússlands, í fyrsta leik á mótinu með þeim afleiðingum að gagnaugað bólgnaði strax upp.

Hann brotnaði á tveimur stöðum í augntóft og þurfti að gangast undir aðgerð vegna þess.

Brotið var flóknara en upphaflega var talið og segir HLN frá því að ef höggið hefði verið þremur sentímetrum hærra, að þá væri ferill hans á enda. Hann verður þess í stað frá í sex til átta vikur.

Belgía leikur sinn annan leik á EM í dag þegar þeir mæta Danmörku í Kaupmannahöfn.