Lestu um leikinn: Þróttur V. 0 -  1 Afturelding

Það var Kári Steinn Hlífarsson sem gerði eina mark Aftureldingar, og eina mark leiksins, snemma í seinni hálfleiknum.

Leikurinn fór fram í Vogum, en framkoma liðs Aftureldingar var til fyrirmyndar að leik loknum.

Leikmenn tóku til í klefanum sem þeir fengu til afnota og skildu frábærlega við hann. Þróttur Vogum vekur athygli á þessu á Twiter og skrifar stjórnandi síðunnar að starfsfólk íþróttamiðstöðvarinnar í Vogum hafi aldrei séð neitt þessu líkt.

„Vel gert og starfsfólk íþróttamiðstöðvar man ekki eftir annari eins snyrtimennsku eftir leik.”

Til fyrirmyndar hjá liði Aftureldingar eins og sjá má á myndinni hér fyrir neðan.