banner
   þri 17. júlí 2018 11:00
Elvar Geir Magnússon
Í beinni: Heimir kveður - Fréttamannafundur
Icelandair
Mynd: Fótbolti.net - Hafliði Breiðfjörð
Fréttamannafundur Heimis er sendur út beint á Facebook

Heimir Hallgrímsson er hættur þjálfun íslenska landsliðsins en þetta var staðfest í tilkynningu frá KSÍ sem send var út í morgun.

Heimir boðaði til fréttamannafundar á Hilton Hótel Nordica.

Helstu punktar frá fundinum

- Heimir segir að fyrirspurnir hafi komið til sín frá félagsliðum og landsliðum. Ekkert sem hafi þó haft áhrif á þessa ákvörðun að stíga til hliðar hjá KSÍ. Hann sé nú í þeirri stöðu að hann geti skoðað allt.

- Heimir segir að það séu nokkrir dagar síðan hann hafi tekið þá ákvörðun að hætta. Viðurkennir að þetta hafi verið að snúast í hausnum á sér.

- Heimir ræddi við KSÍ um að halda samstarfinu áfram og segir að hugmyndum hafi verið kastað á milli. Hugmyndir voru uppi um að Heimir tæki bara Þjóðadeildina en þegar það var rætt betur féll það um sjálft sig.

- Hann segist hafa vitað það sjálfur hvaða svigrúm væri í sambandi við laun. Viðræðurnar við KSÍ hafi aldrei snúist um peninga.

- Heimir segir að sjö ár sé langur tími og það sé hollt fyrir hópinn að fá nýja rödd og nýja sýn. Kominn sé tími á breytingar og það sé gott bæði fyrir hann sjálfan og liðið. Það komi þreyta í allt samstarf.

- Heimir hrósar samstarfsmönnum sínum í gegnum árin og segir að Lars Lagerback hafi verið besti lærifaðir sem hann hafi getað haft. Hann segir að verðmæti KSÍ felist í starfsfólkinu.

- Árangurinn er þó fyrst og fremst leikmannana og talar um persónulegan metnað og framlag hjá strákunum okkar.

- Hann segist skilja við liðið í frábærri stöðu og staða KSÍ hafi aldrei verið betri. Spennandi tímar séu framundan í íslenskum fótbolta. Hann hrósar samstarfi við fjölmiðla og stuðningsmenn.
Heimir hættur - Fréttamannafundurinn í heild sinni
Athugasemdir
banner
banner
banner
banner
banner