„Í hreinskilni sagt, við vorum 2-0 undir og við þurftum að ákveða að hafa gaman af. Það var engin pressa þannig að við ákváðum bara að njóta leiksins,“ sagði Betsy Hassett leikmaður KR eftir endurkomu hennar liðs gegn ÍBV í kvöld.
Lestu um leikinn: KR 3 - 2 ÍBV
„Eftir annað markið vissum við, eða höfðum allavega á tilfinningunni að við myndum í það minnsta ná jafntefli. Allir spiluðu vel og við stjórnuðum leiknum,“ sagði hún um ganga leiksins.
„Við erum bara búin að vinna einn leik í sumar, þetta er annar sigurinn. Það var mikilvægt að ná í stig og tímasetningin er góð, í upphafi seinni umferðar. Þetta gefur okkur smá orku og við þurftum á þessu að halda til þess að bæta andann,“ sagði hún um mikilvægi þess að ná í fyrsta heimasigurinn.
Athugasemdir