Fótbolti.net

fös 17. júlí 2020 05:55

Ívan Guðjón Baldursson

Championship um helgina - Leeds nægir jafntefli

Mynd: Getty Images

Wigan þarf fleiri stig vegna refsingar fyrir að fara í greiðslustöðvun.

Mynd: Getty Images

Næstsíðasta umferð enska Championship tímabilsins fer fram um helgina og ríkir gríðarleg eftirvænting enda hart barist á öllum vígstöðvum í deildinni.

Stöð 2 Sport 2 mun sýna beint frá þremur leikjum yfir helgina. Fjörið byrjar strax í dag þegar Huddersfield tekur á móti West Brom í beinni útsendingu.

West Brom er í öðru sæti, aðeins einu stigi á undan Brentford. Þetta er því gríðarlega mikilvægur leikur fyrir liðið. Það sama gildir um Huddersfield sem getur bjargað sér frá falli með sigri.

Á morgun verður sýnt beint frá viðureign Stoke City og Brentford. Stoke er svo gott sem búið að bjarga sér frá falli á meðan Brentford stefnir á að stela öðru sætinu af West Brom. Brentford er á blússandi siglingu og er búið að vinna átta deildarleiki í röð.

Á sama tíma á Charlton leik við Wigan sem er afar mikilvægur fyrir bæði lið. Charlton er aðeins tveimur stigum fyrir ofan fallsvæðið og er Wigan tíu stigum þar fyrir ofan. Staða Wigan í deildinni er þó talsvert verri en stöðutaflan segir til um því félagið fór í greiðslustöðvun um síðustu mánaðarmót og fær tólf stiga refsingu fyrir. Liðið er því í raun í bullandi fallbaráttu og því er um hörku fallbaráttuslag að ræða.

Hull City og Luton Town eiga svo hörkuleik í fallbaráttunni. Liðin eru jöfn með 45 stig, þremur stigum frá öruggu sæti. Charlton er aðeins tveimur stigum fyrir ofan en með talsvert betri markatölu, sem telur framyfir innbyrðisviðureignir ef lið enda jöfn á stigum.

Jón Daði Böðvarsson og félagar í Millwall eru í baráttu um umspilssæti og eiga leik gegn QPR. Þeir þurfa sigur til að setja pressu á Cardiff City, sem heimsækir Middlesbrough.

Á sunnudaginn þarf Leeds aðeins stig til þess að tryggja sæti sitt í ensku úrvalsdeildinni á næsta ári. Topplið Leeds heimsækir Wayne Rooney og félaga til Derby, sem er svo gott sem búið að missa af umspilssæti eftir þrjá tapleiki í röð.

Helginni lýkur með viðureign Barnsley og Nottingham Forest. Botnlið Barnsley þarf sigur á meðan Nottingham getur tryggt sér umspilssæti með sigri.

Föstudagur:
16:30 Huddersfield - West Brom (Stöð 2 Sport 2)

Laugardagur:
11:30 Charlton Athletic - Wigan
11:30 Stoke City - Brentford (Stöð 2 Sport 2)
14:00 Blackburn - Reading
14:00 Fulham - Sheff Wed
14:00 Hull City - Luton
14:00 Middlesbrough - Cardiff City
14:00 Preston NE - Birmingham
14:00 QPR - Millwall
14:00 Swansea - Bristol City

Sunnudagur:
13:00 Derby County - Leeds (Stöð 2 Sport 2)
14:00 Barnsley - Nott. Forest

		L	U	J	T	ms:	mf:	mun	Stig
1	Ipswich Town	43	26	11	6	85	53	+32	89
2	Leicester	42	28	4	10	79	38	+41	88
3	Leeds	43	26	9	8	76	34	+42	87
4	Southampton	42	25	9	8	84	54	+30	84
5	West Brom	43	20	12	11	66	42	+24	72
6	Norwich	43	21	8	14	76	60	+16	71
7	Hull City	42	18	11	13	62	54	+8	65
8	Coventry	42	17	12	13	66	52	+14	63
9	Middlesbrough	43	18	9	16	61	56	+5	63
10	Preston NE	43	18	9	16	56	60	-4	63
11	Cardiff City	43	18	5	20	48	60	-12	59
12	Bristol City	43	16	10	17	50	46	+4	58
13	Sunderland	43	16	8	19	52	50	+2	56
14	Swansea	43	14	11	18	53	62	-9	53
15	Watford	43	12	16	15	59	58	+1	52
16	Millwall	43	13	11	19	42	55	-13	50
17	Blackburn	43	13	10	20	57	71	-14	49
18	Plymouth	43	12	12	19	58	66	-8	48
19	QPR	43	12	11	20	40	57	-17	47
20	Stoke City	43	12	11	20	41	60	-19	47
21	Birmingham	43	12	9	22	48	64	-16	45
22	Huddersfield	43	9	17	17	47	70	-23	44
23	Sheff Wed	43	12	8	23	36	67	-31	44
24	Rotherham	43	4	11	28	32	85	-53	23