Fjörið byrjar á laugardaginn þegar Atalanta heimsækir Verona. Atalanta er á miklu flugi og hefur verið spútnik lið tímabilsins bæði í Serie A og Meistaradeildinni.

Cagliari mætir svo Sassuolo áður en AC Milan tekur á móti lærisveinum Sinisa Mihajlovic hjá Bologna. Milan er í harðri baráttu við Napoli um síðasta Evrópusætið.

Sunnudagurinn byrjar á viðureign Parma og Sampdoria og henni fylgja fjórir leikir sem fara samtímis af stað. Birkir Bjarnason og félagar í Brescia eru svo gott sem fallnir og eiga leik gegn botnliði Spal. Sigur þar getur leyft Brescia að dreyma, en liðið er tíu stigum frá öruggu sæti.

Napoli mætir Udinese á meðan Fiorentina tekur á móti Torino og Genoa spilar við Lecce í fallbaráttuslag.

Stórleikir helgarinnar eru eftir. Á sunnudagskvöldið á Roma leik við Inter þar sem mikið er undir. Roma er í góðri stöðu í Evrópudeildarbaráttunni á meðan Inter er aðeins sex stigum á eftir toppliði Juventus.

Juve á leik við Lazio í titilbaráttunni mánudagskvöldið. Sá leikur er gífurlega mikilvægur og verður sýndur beint á Stöð 2 Sport 2.

Laugardagur:
15:15 Verona - Atalanta
17:30 Cagliari - Sassuolo
19:45 Milan - Bologna (Stöð 2 Sport 3)

Sunnudagur:
15:15 Parma - Sampdoria
17:30 Brescia - Spal
17:30 Napoli - Udinese
17:30 Fiorentina - Torino
17:30 Genoa - Lecce
19:45 Roma - Inter

Mánudagur:
19:45 Juventus - Lazio (Stöð 2 Sport 2)