Alfons Sampsted spilaði allan leikinn fyrir lið Bodo/Glimt í dag sem mætti Sarpsborg í skemmtilegum leik í Noregi.
Þessi lið leika í norsku úrvalsdeildinni en Emil Pálsson er á mála hjá Sarpsborg en kom ekki við sögu í dag.
Alfons spilaði stórt hlutverk í leik sem endaði með 2-2 jafntefli en hann lagði upp annað mark Bodo/Glimt undir lok leiks.
Staðan var 2-1 fyrir Sarpsborg á 86. mínútu en þá jafnaði Bodo/Glimt með marki Marius Hoinraaten eftir sendingu Alfons.
Samúel Kári Friðjónsson lék þá með liði Viking sem tapaði 3-2 heima gegn Odd fyrr í dag.
Samúel var í byrjunarliði Viking en var tekin af velli á 58. mínútu er liðið var 2-0 undir.
Í B-deildinni spilaði Davíð Kristján Ólafsson svo með liði Álasund sem gerði 1-1 jafntefli heima gegn Jerv.
Athugasemdir