„Mér fannst við gefa þeim ódýr mörk við erum að tapa boltanum illa í upphafi leiks og þeir nýta það. Við gleymum okkur í varnarleiknum í kjölfarið mjög ódýrt mark sem við gefum þeim og eitthvað sem við eigum að getað komið í veg fyrir. Við erum í þannig varnarstöðu að það á allt að vera undir kontról, þetta er klaufalegt og það er erfitt að vinna fótboltaleiki þannig'',sagði Jón Þór Hauksson súr eftir 3-0 tap gegn Stjörnunni fyrr í kvöld.
Lestu um leikinn: ÍA 0 - 3 Stjarnan
ÍA vann síðast í deildinni þann 24. apríl. Jón Þór var spurður hvað þyrfti að breytast svarið var; „Eiginlega allt."
Næsti leikur heimaleikur gegn Fram
„Við höfum vikuna til að undirbúa þann leik. Við þurfum bara að halda áfram að vinna í okkar málum, en það er alveg ljóst að það þarf eitthvað að breytast. Við erum að gefa of ódýr mörk og auðveld mörk í þessum leikjum við getum ekkert unnið neina fótboltaleiki, við þurfum að laga það.''
Viðtalið má sjá í heild sinni hér að ofan.
Athugasemdir