Fjölmiðlafólk fékk að fylgjast með upphitun en hún var ansi hress hjá íslenska liðinu - líkt og vanalega.

Franska fréttafólkið var í raun furðulostið þegar það fylgdist með þessari upphitun, það var mjög hissa á að upphitunin væri eins og hún var. Áður en æfingin hófst var spiluð tónlist, meðal annars þjóðhátíðarlög og Bella Ciao.

Syanie Dalmat, fréttakona franska íþróttablaðsins L'Équipe, birtir myndband af upphituninni og skrifar: „Svona er íslenska liðið að undirbúa sig fyrir leikinn gegn Frökkum á morgun."

Fóru í leiki á gamla heimavelli Kára Árna
Myndbandið má sjá hér fyrir neðan, en þess má geta að Dalmat ræddi við undirritaðan áðan um leikinn sem er framundan á morgun. Það viðtal birtist síðar í kvöld.

Dúna, styrktarþjálfari íslenska liðsins, ræddi við Fótbolta.net í síðustu þar sem hún ítrekaði mikilvægi þess að hafa gaman í upphitun. Var það í tengslum við fræg ummæli Kara Árnasonar en þess má geta að hann er fyrrum leikmaður Rotherham og æfingin fór fram á hans gamla heimavelli. Viðtalið við Dúnu má sjá fyrir neðan myndbandið af upphituninni.

Leikur Íslands og Frakklands hefst klukkan 19:00 að íslenskum tíma á morgun.