Marchisio hefur átt blómlegan feril með uppeldisfélagi sínu.
Ítalski miðjumaðurinn Claudio Marchisio hefur yfirgefið Juventus og þar með lýkur 25 ára sambandi hans við félagið.
Báðir aðilar samþykktu að rifta samningi þessa 32 ára leikmanns en samningurinn átti að renna út 2020.
Báðir aðilar samþykktu að rifta samningi þessa 32 ára leikmanns en samningurinn átti að renna út 2020.
„Það verður ánægjulegt að fylgjast með honum, sama hvaða skyrtu hann mun klæðast í framtíðinni," segir Juventus á heimasíðu félagsins.
Marchisio lék 389 leiki fyrir Juventus, vann ítölsku deildina sjö sinnum og ítalska bikarinn fjórum sinnum. Hann fæddist í Tórínó en meiddist illa á hné í apríl 2016 og var í kjölfarið frá í hálft ár. Hann lék 20 leiki á síðasta tímabili.
Marchisio birti mynd af sér á Twitter þegar hann var í yngri liðum Juventus.
„Ég get ekki hætt að horfa á þessa mynd og á rendurnar sem ég skrifaði á líf mitt, bæði sem manneskja og fótboltamaður," skrifaði Marchisio á Twitter.
Á heimasíðu Juventus stendur einnig:
„25 ár hafa liðið síðan Claudio klæddist treyjunni í fyrsta sinn. Hann var þá sjö ára gamall og með gríðarlega þrá til að spila fyrir sitt heimafélag og haus hans var fullur af draumum."
Non riesco a smettere di guardare questa fotografia e queste strisce su cui ho scritto la mia vita di uomo e di calciatore.
— Claudio Marchisio (@ClaMarchisio8) August 17, 2018
Amo questa maglia al punto che, nonostante tutto, sono convinto che il bene della squadra venga prima. Sempre. pic.twitter.com/AoNuiiZ2cS
Athugasemdir
