Þór/KA gjörsigraði FH í Þorpinu
„Já, ég er mjög ánægður með sigurinn og ánægður með að bæta markatöluna ennþá betur. Við vorum með bestu markatöluna fyrir leikinn og erum í ennþá betri málum núna. Það gæti skipt sköpum í lokin," sagði þjálfari Þór/ KA, Halldór Jón Sigurðsson eða Donni, eftir 9-1 sigur á FH í kvöld. Hann var þó ekki sáttur með að liðið skildi fá á sig mark rétt í lokin en hrósaði FH liðinu samt sem áður.
Lestu um leikinn: Þór/KA 9 - 1 FH
„Ég var grautfúll, við viljum ekkert fá á okkur mörk og algjör óþarfi að fá á sig mark þegar við erum að vinna 9-0, í guðanna bænum. En kredit samt á FH, þær héldu áfram og skoruðu mark. Þær sköpuðu sér góðar leikstöður í seinnihálfleik og í fyrri hálfleik fannst mér þær frískar, eiginlega bara góðar, og settu á okkar góða pressu og hefðu getað skorað á okkur þar."
„Við vinnum þetta mót, við ætlum að vinna það og það er ekkert sérlega flókið. Við ætlum að vinna leiki sem eftir eru og þá verðum við meistarar og þurfum ekki að treysta á einn né neinn í því, bara okkur sjálf," sagði Donni eftir leik. Sjá má allt viðtalið hér að ofan.
Athugasemdir
