Það hefur óvænt verið tilkynnt að Bobby Madley sé hættur að sinna dómgæslu í enskum fótbolta.
Madley var talinn einn hæfasti dómari enskrar knattspyrnu, en hann er aðeins 32 ára gamall og því telst það mjög óvænt að hann sé að hætta að dæma.
Í frétt BBC segir að Madley sé að hætta af persónulegum ástæðum. Nánari upplýsingar eru ekki gefnar upp, en það hlýtur að vera eitthvað meira að baki. í frétt Telegraph er sagt að málið tengist myndbandi á samfélagsmiðlum, en ekki er sagt hvaða myndband eða af hvaða toga það er.
Madley var einn af 18 atvinnudómurum Englands, en hann hafði dæmt 91 leik í efstu deild frá 2013.
Hann dæmdi leikinn um Samfélagsskjöldinn í fyrra og þá dæmdi hann 19 leiki í ensku úrvalsdeildinni á síðustu leiktíð.
Hann dæmdi ekki í 1. umferð ensku úrvalsdeildarinnar á þessu tímabili.
Athugasemdir