Conte telur sig eiga rétt á 9 milljónum punda en Chelsea neitar að greiða honum vegna meints samningsbrots. Félagið heldur því fram að stjórinn hafi verið rekinn vegna smáskilaboða sem hann sendi Diego Costa.

Hann tilkynnti sóknarmanninum og krafta hans væri ekki lengur óskað hjá félaginu, án þess að fá samþykki frá stjórninni. Conte sætti sig ekki við þá útskýringu og fór með málið fyrir sérstaka úrvalsdeildardómnefnd.

Dómnefndin úrskurðaði Conte í hag en Chelsea sættir sig ekki við niðurstöðuna. Samkvæmt enskum fjölmiðlum er félagið búið að áfrýja til atvinnumáladómstóls í London.

Conte var frá starfi í tæpt ár áður en hann tók við Inter í lok maí.