Sol Campbell tók við enska D-deildarliðinu Macclesfield í lok nóvember í fyrra þegar það sat á botninum.
Hann fékk Andy Cole með sér til félagsins og tókst þeim félögunum að bjarga Macclesfield frá falli þrátt fyrir fjárhagsvandræði.
Leikmenn hótuðu að mæta ekki í síðasta deildarleikinn til að mótmæla launagreiðslum sem bárust of seint þrjá mánuði í röð.
Campbell sagði starfi sínu upp á dögunum og heldur Mirror því fram að stjórinn hafi ekki fengið greitt fyrir síðustu fjóra mánuðina í starfinu.
Hermann Hreiðarsson var ráðinn sem aðstoðarþjálfari Macclesfield í júlí en hann sagði upp ásamt Campbell.
Það verður áhugavert að fylgjast með hvaða starf Campbell fær næst. Macclesfield tapaði gegn Exeter í fyrstu umferð og lagði svo Leyton Orient að velli um síðustu helgi.
Síðasta þriðjudag hafði Macclesfield betur gegn Blackpool í deildabikarnum og sögðu Campbell og Hemmi upp nokkrum dögum síðar.
Athugasemdir