Malen, Maguire, Rashford, Greenwood, Yoro, Eriksen og fleiri góðir í slúðri dagsins
banner
   mán 17. september 2018 23:30
Arnar Helgi Magnússon
Bale ósáttur - Markið gegn Liverpool ekki eitt af þeim bestu
Bale skorar markið.
Bale skorar markið.
Mynd: Getty Images
Gareth Bale leikmaður Real Madrid skoraði magnað mark í úrslitaleik Meistaradeildarinnar nú í vor þegar Real Madrid vann Meistaradeildina þriðja árið í röð.

Bale kom Real Madrid yfir með, 2-1 með hjólhestaspyrnu eftir sendingu frá Marcelo, en nú á dögunum gaf UEFA út lista yfir bestu mörk tímabilsins og mark Bale var ekki á þeim lista.

„Ég veit ekki hver var í þessari dómnefnd en það þarf að reka þau!," grínaðist Bale.

Mark Cristiano Ronaldo gegn Juventus í 8-liða úrslitunum var valið það besta af dómnefndinni en Bale vildi ekki tjá sig um það hvort hans mark hefði verið betra.

Í öðru sæti var mark Dimitri Payet sem hann skoraði í 8-liða úrslitum Evrópudeildarinnar gegn Leipzig. Eva Navarro leikmaður u-17 ára liðs Spánar var í þriðja sæti en hún skoraði glæsilegt mark í úrslitaleik U-17 Evrópumótsins.

Hér að neðan má sjá mark Bale í leiknum. Ansi gott. Þar fyrir neðan er markið sem Ronaldo skoraði gegn Juventus.




Athugasemdir
banner
banner
banner
banner
banner