Malen, Maguire, Rashford, Greenwood, Yoro, Eriksen og fleiri góðir í slúðri dagsins
   mán 17. september 2018 10:14
Elvar Geir Magnússon
Gunnar Jarl: FH átti að fá víti í uppbótartíma
Mönnum var heitt í hamsi í Fossvogi.
Mönnum var heitt í hamsi í Fossvogi.
Mynd: Fótbolti.net - J.L.
„Að mínu mati átti þetta að vera vítaspyrna en því miður fyrir FH-inga var ekkert dæmt," sagði Gunnar Jarl Jónsson, fyrrum dómari, í Pepsi-mörkunum.

Í 1-1 jafntefli Víkings og FH vildu Hafnfirðingar fá vítaspyrnu í blálok uppbótartímans.

Davíð Þór Viðarsson tók þá aukaspyrnu en boltinn fór í hendi Milos Ozegovic sem stóð í vegg í teignum. Einar Ingi, dómari leiksins, dæmdi ekkert en Davíð var allt annað en sáttur.

„Þegar ég sá þetta fyrst fannst mér þetta ekki vera neitt. Þegar ég skoða þetta aftur þá finnst mér hann vera að gera sig breiðan. Þetta er vítaspyrna að mínu mati, alveg klárt," segir Gunnar.

„Einar Ingi dómari sést ekki í mynd og hann er því mjög utarlega og erfitt fyrir hann að sjá þetta. Í þessu tilfelli á þetta að snúast um samvinnu. Þá er spurning hver eigi að sjá þetta. Varadómarinn gæti farið nær og neðar til að taka þetta. Þetta er grátt fyrir svæði fyrir dómara."

FH-ingar eru í baráttu um Evrópusæti en Víkingar eru enn í fallhættu og því var um mjög mikilvægan leik að ræða.

Tveir leikmenn FH fengu að líta rauða spjaldið í gær fyrir orð í garð dómara (Pétur Viðarsson og Steven Lennon) en hér að neðan má sjá viðtal við Ólaf Kristjánsson, þjálfara FH, eftir leikinn.
Óli Kristjáns: Evrópusæti hefur ekki áhrif á framtíðarplön okkar
Stöðutaflan
  L U J T ms: mf: mun Stig
0 0 0 0 0 0 0 0 0
Athugasemdir
banner
banner
banner
banner
banner