Einn leikur fór fram í Serie - A á Ítalíu í kvöld en þar mættust Spal og Atalanta.

Markalaust var í hálfleik en fljótlega í síðari hálfleik skoraði Andrea Petagna fyrir Spal. Petagna var ekki búin að syngja sitt síðasta í leiknum en hann var aftur á ferðinni sex mínútum síðar og jók þar með forystu Spal. Petagna er fyrrum leikmaður Atalanta og hann reyndist gömlu félögunum erfiður í kvöld.

Atalanta náðu ekki að setja mark og niðurstaðan því góður sigur fyrir heimamenn, 2-0.

Spal, sem endaði síðasta tímabil í 17. sæti hefur heldur betur byrjað af krafti og situr nú í 2. sæti deildarinnar, þremur stigum á eftir Juventus.

Atalanta situr í 14. sæti með fjögur stig eftir jafnmarga leiki.