Ray þjálfari Grindavíkur var að vonum svekktur yfir 2-1 tap í kvöld fyrir KR. Grindavík þurfti á sigri að halda til að eiga séns á að halda sér uppi. Grindavík spilar því í 1.deild að ári
Lestu um leikinn: KR 2 - 1 Grindavík
Fyrstu viðbrögð eftir að liðið er fallið niður um deild?
"Mjög svekkjandi. Fannst stelpurnar spila mjög vel í dag og örugglega með þeim betri leikjum sem við höfum spilað í sumar en það dugði bara ekki til. Við náðum ekki að koma inn jöfnunarmarki á þær. Og þær mega alveg vera stoltar af frammistöðunni sinni. Þær eru ungar og efnilegar og ef kjarninn helst til næstu ára þá held ég að Grindavík verði með mjög gott lið."
Nú fenguð þið fjölda mörg færi í dag "Hún var mjög góð markmaðurinn þeirra. Stundum er bara nóg að setja hann aðeins til hliðar en við vorum oft að skjóta beint á hana. Hún var þrælgóð í markinu"
Þegar KR skorar markið í fyrri hálfleik þá þurfið þið að setja tvö. Fannstu fyrir einhverju vonleysi í þínu liði?
"Nei það kom aukakraftur og bara einsog ég segi vantaði bara að setja boltann yfir línuna. Þær reyndu og reyndu og reyndu og bara mjög góðar í dag."
Ef að litið er yfir tímabilið þá gerið þið 4 jafntefli, það er að reynast dýrt núna
"Mjög. Mjög dýrt. Það voru leikir sem við hefðum getað fengið meira en eitt stig."
Vegna tæknilegra örðugleika náðist endirin á viðtalinu ekki á upptöku
Athugasemdir