Þjálfarasögurnar eru fljúgandi um en eina félagið í Pepsi Max-deild karla sem staðfest hefur þjálfaraskipti er Fylkir. Helgi Sigurðsson lætur af störfum eftir tímabilið eins og opinberað var í síðustu viku.
Hver tekur við þjálfararastarfinu í Árbænum? Hér eru tíu nöfn sem nefnd hafa verið til sögunnar.
Hver tekur við þjálfararastarfinu í Árbænum? Hér eru tíu nöfn sem nefnd hafa verið til sögunnar.
Ólafur Ingi Skúlason - Fyrirliðinn er mest í umræðunni. Er að mennta sig í þjálfun og er dýrkaður og dáður í Árbænum. Er hans tími strax kominn?
Ejub Purisevic - Talið er líklegt að kraftaverkamaðurinn frá Ólafsvík færi sig um set. Hefur gert magnaða hluti í íslenskum fótbolta.
Ólafur Jóhannesson - Virðist á leið frá Val eftir að hafa fært félaginu fjóra stóra titla. Gæti smiðurinn tekið nýja áskorun í Árbænum?
Sigurbjörn Hreiðarsson - Aðstoðarmaður Ólafs hjá Val hefur verið orðaður við Fylkismenn. Fullyrt var í Dr. Football að samningur frá Árbænum væri á borðinu.
Viktor Bjarki Arnarsson - Fyrrum leikmaður Fylkis en nú aðstoðarþjálfari HK sem hefur verið að gera áhugaverða hluti.
Ágúst Gylfason - Nær 2. sæti með Breiðabliki annað árið í röð. Vill vera áfram í Kópavogi en háværar sögusagnir um að Blikar ætli að skipta honum út.
Ólafur Stígsson - Uppalinn Fylkismaður, fyrrum fyrirliði liðsins og fyrrum atvinnumaður. Hefur verið aðstoðarmaður Helga Sigurðssonar. Verður hann hækkaður um tign?
Davíð Snorri Jónasson - Félög hafa verið að horfa til Davíðs sem er núverandi U17 landsliðsþjálfari. Fyrrum þjálfari Leiknis.
Páll Einarsson - Þjálfari 2. flokks Breiðabliks hefur verið orðaður við þjálfarastarf Fylkis. Er fyrrum leikmaður þeirra appelsínugulu.
Óskar Hrafn Þorvaldsson - Einn umtalaðasti þjálfari landsins. Grótta er hársbreidd frá því að komast upp og það minnkar líkurnar á því að Hrafninn fljúgi í Árbæinn.
Athugasemdir
