FH og Víkingur mætast í Pepsi Max-deild karla klukkan 16:30 í dag. Leikurinn hefst svo snemma vegna birtuskilyrða enda farið að hausta og dimmir fyrr á kvöldin.

Smelltu hér til að fara í textalýsinguna

FH vann Breiðablik 3 - 1 á sunnudaginn og frá þeim leik gera Eiður Smári Guðjohnsen og Logi Ólafsson þjálfarar liðsins eina breytingu. Hörður Ingi Gunnarsson kemur til baka úr leikbanni og Hjörtur Logi Valgarðsson fer á bekkinn. Jónatan Ingi Jónsson er enn að glíma við eftirköst höfuðhöggs og er ekki í hóp.

Víkingur tapaði 2 - 0 gegn Val á sunnudaginn. Arnar Gunnlaugsson þjálfari liðsins gerir tvær breytingar á liði sínu frá þeim leik. Sölvi Geir Ottesen fyrirliði sest á bekkinn og Halldór Smári Sigurðarson tekur við bandinu. Auk Sölva er Davíð Örn Atlason ekki með en þeir Dofri Snorrason og Halldór Jón Sigurður Þórðarson koma inn í byrjunarliðið.