Sóknarmaðurinn var í byrjunarliðinu er Gabon lagði Suður-Súdan 3-0 á föstudaginn en neitaði svo að stíga fæti í vélina sem átti að fljúga með liðið til Súdan í seinni leikinn.

Hann var ósáttur með flugvélina og taldi hana ekki sæma atvinnumönnum. Hann keyrði því til baka og tók næsta flug heim til London.

„Ég stíg ekki fæti í þennan hlut," á Aubameyang að hafa sagt samkvæmt heimildarmanni L'Equipe.

Þetta er ekki í fyrsta skipti sem Aubameyang neitar að spila með landsliðinu en það er varla liðinn mánuður síðan hann gagnrýndi knattspyrnusambandið í Gabon fyrir lélega umgjörð í kringum landsliðið.

Aubameyang hefur skorað 24 mörk í 57 landsleikjum og er markahæstur í sögu landsliðsins. Margir telja hann vera besta knattspyrnumann sem Gabon hefur alið af sér.