Leicester seldi Chilwell til Chelsea á 50 milljónir punda og steig Justin því upp og tók við stöðunni.

Justin hefur spilað flesta leiki í stöðu vinstri bakvarðar en hefur einnig leyst af í hægri bakverði og miðverði. Hann kom til Leicester frá Luton á síðasta ári og hefur tekið miklum framförum á þessu ári.

Hann er nú í U21 árs landsliði Englands og ræddi sérstaklega hvernig Chilwell hjálpaði honum að bæta sig.

„Ég lærði svo mikið af Chilly, hvernig hann ber sig á vellinum og hvernig hann spilar. Við vorum nágrannar og hann tók mig undir sinn verndarvæmg og kenndi mér að spila þessa stöðu í ensku úrvalsdeildinni," sagði Justin.

„Ég hafði ekki fengið mikinn tíma til að sýna mig á síðasta tímabili og svo allt í einu kom ég inn í liðið út af meiðslum. Hann hjálpaði mér mjög mikið og sagði mér að spila minn leik. Ég er í sambandi við hann af og til," sagði hann í lokin.