Hinn 32 ára gamli Aubameyang spilaði og skoraði sigurmarkið fyrir Gabon í 1-0 sigri gegn Líbýu á dögunum, en hann meiddist í þeim leik og gat ekki verið með gegn Egyptum.

Þetta hefur skapað usla á meðal stuðningsfólks Arsenal enda stórleikur gegn Liverpool um næstu helgi.

Meiðsli Aubameyang gætu verið smávægileg, en það er óvíst hversu lengi hann verður frá. Það er alls ekki útilokað að hann spili gegn Liverpool og kemur það væntanlega í ljós seinna í vikunni.

Arsenal hefur spilað vel að undanförnu en liðið hefur ekki unnið á Anfield í ensku úrvalsdeildinni síðan 2012/13 tímabilið. Breytist það um næstu helgi? Verkefnið verður svo sannarlega erfiðara ef Aubameyang verður ekki með.