Ítalski framherjinn er mögulega á leið aftur til Toronto þar sem hann er dáður og dýrkaður.
Giovinco, sem er 34 ára, er félagslaus eftir að hafa yfirgefið herbúðir Al-Hilal í Sádí-Arabíu.
Hann var leikmaður Toronto frá 2015 til 2019 og var algjörlega frábær fyrir félagið á þeim tíma. Hann var meðal annars valinn mikilvægasti leikmaður MLS-deildarinnar í eitt skipti.
Samkvæmt ítalska fjölmiðlamanninum Nicolò Schira þá eru Giovinco og umboðsmaður hans í viðræðum við Toronto.
Sky Sport Italia greindi frá því að Toronto hefði gert stórt tilboð í Lorenzo Insigne, leikmann Napoli, en hann væri ekki tilbúinn að fara í MLS-deildina á þessum tímapunkti. Toronto ætlar því að sækja Giovinco aftur.
Athugasemdir