„Fyrir mér er þetta engin spurning. Það á að reka Mourinho á morgun. Það er ekkert að fara að breytast til hins betra hjá Manchester United," sagði Gunnleifur Gunnleifsson í Messunni á Stöð 2 Sport í gær eftir 3-1 tap Manchester United gegn Liverpool.
Jose Mourinho hefur verið mikið gagnrýndur á tímabilinu en Manchester United er í 7. sætinu í ensku úrvalsdeildinni og hefur einungis unnið sjö leiki af sautján.
Hjörvar Hafliðason ræddi einnig gagnrýnina á Mourinho í Messunni í gær.
Jose Mourinho hefur verið mikið gagnrýndur á tímabilinu en Manchester United er í 7. sætinu í ensku úrvalsdeildinni og hefur einungis unnið sjö leiki af sautján.
Hjörvar Hafliðason ræddi einnig gagnrýnina á Mourinho í Messunni í gær.
„Manchester United er ekki lið sem leikur sér að því að reka knattspyrnustjóra en árið 2018 nær Mourinho ekki til leikmanna," sagði Hjörvar.
„Strákarnir í Inter elskuðu hann og hefðu hoppað fyrir rútu fyrir hann. Strákarnir í Chelsea elskuðu hann, þú heyrir hvernig Eiður Smári talar um hann í dag."
„Þessir gaurar í Manchester United eru ekki tilbúnir að gera hvað sem er fyrir Mourinho. Þeir eru ekki að kaupa þennan stíl af fótbolta. Þessi gæi hérna (Paul Pogba) hefur engan áhuga á þessari tegund af fótbolta."
Mourinho er valtur í sessi en Hjörvar telur að tveir leikmenn fari frá félaginu í janúar ef hann heldur áfram í starfi.
„Ef Mourinho fer með liðið inn í janúar missa þeir (Paul) Pogba og (Alexis) Sanchez sem eru tveir heimsklassa leikmenn," sagði Hjörvar.
Athugasemdir