Eftir tap Manchester United gegn Liverpool í gær þykir Jose Mourinho langlíklegastur til að vera næsti knattspyrnustjóri sem fær að taka pokann sinn í ensku úrvalsdeildinni.

Samkvæmt veðbankanum Ladbrokes er stuðullinn 1,75 á að Mourinho verði næsti stjóri sem verður rekinn. Roy Hodgson, stjóri Crystal Palace, er í næstheitasta sætinu og Sean Dyche stjóri Burnley kemur þar á eftir.

Samkvæmt frétt The Guardian í dag er Mourinho þó ennþá öruggur í starfi og ekkert sem bendir til þess að hann missi starfið á næstunni.